ප්‍රාදේශීය ලේකම් කාර්යාලය - ගලේවෙල

නව සිවිල් විශ්‍රාම වැටුප් සකස් කිරිම

අවසාන වරට සේවය කල ආයතනයෙන් විශ්‍රාම වැටුප් ලිපිගොනුව අප කාර්යාලයට ලැබිමෙන් අනතුරුව විශ්‍රාමිකයා විශ්‍රාම වැටුප් සකස් කර ගැනීමට පහත සදහන් ලියවිලි අප වෙත ඉදිරිපත් කල යුතුය.

• විශ්‍රාමික හැදුනුම්පත
• පදිංචියට අදාල ග්‍රාම සේවක නිළධාරිගෙන් ලබාගත් පදිංචි සහතිකයක්
• බංකු පොතේ මුල් පිටුවේ ඡායා පිටපතක්
• විශ්‍රාමික ප්‍රකාශ පත්‍රය

වැන්දඹු විශ්‍රාම වැටුප් සකස් කිරිම

සිවිල් විශ්‍රාම වැටුප විශ්‍රාමිකයා මියගිය මාසයේම නතර කිරිමට අප කාර්යාලයට දැනුම් දිම සහා මරණ පාරිතෝෂික ගොනුව අප කාර්යාලයට ලැබිමෙන් පසුව මරණ සහතිකයේ ඡායා පිටපතක් සහා වැන්දඹු අනත්දරු අංකය යොදා අප වෙත වැන්දඹු විශ්‍රාම වැටුප් ඉල්ලිම් ලිපියක් ඉදිරිපත් කරන්න. විශ්‍රාම වැටුප් දෙපාර්තුමේන්තුවේ වැන්දඹු අනත් දරු අංශයෙන් චැන්දඹු ලිපිගොනුව අප ප්‍රාදේශිය ලේකම් කාර්යාලයට එවු බවට ලිපියක් ලද විට පහත සදහන් ලියවිලි ඉදිරිපත් කළ යුතුය.

• විවහ සහතිකයේ මුල් පිටපත
• නමේ වෙනසක් ඇතොත් දිවුරුම් සහතිකයක්
• මරණ සහතිනයේ මුල් පිටපත
• ගෙවන ලද විශ්‍රාම වැටුප් ප්‍රදාන පත්‍රයේ පිටපත
• අවු 21ට අඩු දරුවන්ගේ උප්පැන්න සහතිකය
• 3 ¼, 2 ¼ ප්‍රමාණයේ ඡායා රූප තුනක් ග්‍රාම නිලධාරි ලවා සහතින කර තබා ගන්න
• ඔබේ ජාතික හැදුනුම්පත ද කරුණාකර මා වෙත ඉදිරිපත් කරන්න
• මේ සමඟ එවා ඇති කුඩා පෝරමය ග්‍රාම නිලධාරී වෙත ඉදිරිපත් කරන්න
• විශ්‍රාම වැටුප නවත්වන බවට අදාල ප්‍රාදේශිය ලේකම් කාර්යාලයෙන් ලබා ගත් ලිපියක්
• වැන්දඹුවගේ/වැන්දඹු පුරුෂයාගේ උප්පැන්න සහතිකය

එමෙන්ම විශ්‍රාම වැන්දඹු අරමුදලේ 15 පෝරමය සහා ග්‍රාම නිළධාරි වෙත ඉදිරිපත් කළ යුතු ලිපිය අප කාර්යාලයෙන් ලබා ගත යුතුය.

අබාධිත විශ්‍රාම වැටුප් සකස් කිරිම

ලබා ගන්නා විශ්‍රාම වැටුප හෝ වැන්දඹු විශ්‍රාම වැටුප විශ්‍රාමිකයා මිය ගිය මාසයේම නතර කිරීමට අප කාර්යාලයට දැනුම් දිය යුතුය. පහත සඳහන් අයදුම්පත් ඉදිරිපත් කල යුතුය.

• නිත්‍ය ආබාධිත දුබලතාවයට පත් අනත්දරුවන් සඳහා වු අබාධිත විශ්‍රාම වැටුප් ඉල්ලුම් පත ( අබා 01 ) සහ
• අබාධීත බාලවයස් දරුවාගේ / දරැවන්ගේ භාරකරුවන් විසින් සැපයිය යුතු දිවුරුම් ප්‍රකාශයේ ( අබා 02 )

අබාදිත මූලික පරික්ෂන සඳහා දැනුම්දෙන දිනයේදී හා වේලාවට අප කාර්යාලයට පැමිණිය යුතුය භාරකරුවෙකු අවශ්‍ය වන්නේ නම් එම පුද්ගලයාද මූලික පරික්ෂනයට පැමිණිය යුතුය.

උරුමක්කාර ගෙවිම් සදහා

• විශ්‍රාම වැටුප හෝ වැන්දඹු විශ්‍රාම වැටුප නතර කිරීමට අප ප්‍රාදේශිය ලේකම් කාර්යාලයට දැනුවත් කිරීම
• මරණ සහතිකයේ මුල් පිටපත
• එම මුදල එක් අයකුට ගෙවීමට අනෙක් උරුමක්කරුවන් විරුද්ධබාවයක් නොමැති බවට ඔවුන්ගේ නම් සහ අත්සන් සහිත සමාදාන විනිශ්චයකරුවකු ඉදිරි‍ෙය් අත්සන් කරණ ලද ලිපියක්
• පවුලේ උරුමක්කාරයින්ගේ නම් , මියගිය අයට ඇති ඥාති සම්බන්ධය, වයස, ස්ත්‍රී පුරුෂභාවය, ඇතුලත් පවුලේ අය සම්බන්ධ විස්තර ඇතුලත් ග්‍රාම සේවක වාර්තාවක් ( එය ප්‍රාදේශිය ලේකම් / උප දිසාපති විසින් සහතික කල යුතුය)
• පොදු 77 ආකෘති පත්‍රය
• මෙම මුදල චෙක්පතකින් ගෙවනු ලබන බැවින් කරුණාකර ඔබේ බැංකු ගිනුමේ අංකය හා බාංකුවේ නම සඳහන් කරන්න

විශ්‍රාමික හැදුනුම්පත් සකස් කිරිම

පළුදු වූ විශ්‍රාමික හැදුනුම්පත් සඳහා නව විශ්‍රාමික හැදුනුම්පතක් නිකුත් කිරීම

• පළුදු වූ හැදුනුම්පත
• අඟල් 3 ¼ * 2 ¼ ප්‍රමාණයේ ඡායාපිටපත් දෙකක් ග්‍රාම නිළධාරී ලවා සහතික කර ගැනීම.
• ඉල්ලීම් ලිපියක්

නැතිවු හැදුනුම්පත් සදහා

• හැදුනුම්පත නැතිවු බවට පොලිසියට කරන ලද පැමිනිල්ලේ පිටපතක්
• ඉල්ලී‍ම් ලිපිය
• අඟල් 3 ¼ * 2 ¼ ප්‍රමාණයේ ඡායාපිටපත් දෙකක් ග්‍රාම නිළධාරී ලවා සහතික කර ගැනීම.

ඉඩම් පරිපාලනය

• ඉඩම් සංවර්ධන ආඥාපනත, ඉඩම් ප්‍රදාන විශේෂ විධිවිධාන පනත හා රජයේ ඉඩම් ආඥා පනත යටතේ රජයේ හිස් ඉඩම් ගම් පුළුල් කිරිම සදහා බෙදාදීම.
• රජයේ ඉඩම් ආඥාපනත යටතේ බෙදාදී ඇති ඉඩම්වල පසු කටයුතු.

මුල් ලේඛන පැවරිම

අවශ්‍ය ලේඛන

• ප්‍රාදේශීය ලේකම් වෙත කරන ලද ඉල්ලීමේ ලිපිය
• දීමනා පත්‍රයේ හා පිඹුරේ මුල් පිටපත් හා කොපි
• පත්ඉරු සටහන්
• ඉඩමේ පදිංචිකරුවන් පිළිබද ග්‍රාම නිලධාරි වාර්තාව
• දීමනාපත්‍රකරුගේ උරුමකරුවන් පිළිබද ග්‍රාම නිලධාරි වාර්තාව - වයස් අනුපිළිවෙලට උපන්දිනය සහිතව
• සියළුම උරුමකරුවන් මෙම මුල් උරුමය පැවරිමට එකඟව ලබා දෙන දිවුරුම් ප්‍රකාශය - රු 25/- ක මුද්දරයක් මත අත්සන් කර සාමවිනිසුරු ඉදිරියේ
• දීමනාපත්‍රකරුගේ හා කලත්‍රයාගේ මරණ සහතික
• යම් උරුමකරුවෙකු මිය ගොස් ඇත්නම් මරණ සහතික මුල් පිටපත් හා කොපි.

පසු උරුමය පැවරිම

අවශ්‍ය ලේඛන

• ප්‍රාදේශිය ලේකම් වෙත කරන ලද ඉල්ලීමේ ලිපිය
• දීමනා පත්‍රයේ සහ පිඹුරේ කොපි හා මුල් පිටපත්
• ඉඩමට අදාල පත්ඉරු සටහන්
• ඉඩමේ පදිංච්කරුවන් පිළිබඳ ග්‍රාමනිලධාරී වාර්තාව
• පසු උරුමකරුවන් එක් අයෙකුට වැඩිය නම් කරන්නේ නම් බලයලත් මිනින්දෝරුවරයකු විසින් අදින ලද පිඹුර හා කොපියක්
• පසු උරුමකරුවන්ගේ උප්පැන්න සහතික හා පිටපත්
• මෙම පසු උරුමය නම්කිරීම තම කැමැත්තෙන් සිදු කරන බවට ලබාදෙන දිව්රුම් ප්‍රකාශය(සාම විනිසුරු ඉදිරියේ රු.25ක මුද්දරයක් මත අත්සන් කර)
• දීමනාපත්‍රකරුගේ වාචික ප්‍රකාශය
• අදාල ආකෘතිය සම්පූර්ණ කර පළමු පිටුවේ සාක්ෂිකරුවන් දෙදෙනාගෙන් එක් අයෙක් ලෙස ග්‍රාම නිලධාරී අත්සන් කළ යුතුය

දිමනාපත්‍ර කොන්දේසි ලිහිල් කිරිම

අවශ්‍ය ලේඛන

• දීමනාපත්‍රකරුගේ ඉල්ලීමේ ලිපිය
• ඇමුණුම 1 ආකෘතිය මගින් පළාත් ඉඩම් කොමසාරිස්ගේ අනුමැතිය ලද පසු ඇමුණුම 2 ආකෘතියට දිමනාපත්‍රකරු අත්සන් කිරීම සාක්ෂීකරුවන් දෙදෙනෙකුගේ අත්සන් ගැනීම.
• මුල් ඔප්පුව රජයට භාර දීම.
• පියවර ගණනාවක් යටතේ නව දීමනා පත්‍රය සකස් කළ පසු රන්බිම සේවා ගාස්තු ලෙස රු.100/- ක් අයකර නව දීමනාපත්‍රය භාර දීම.

ඉඩම් බැහැර කිරිම

අවශ්‍ය ලේඛන

• රජයේ ඉඩමක අයිතිය පැවරීම ලෙස ආකෘතියක් අමුණා ඇත.

දිමනාපත්‍රය අනුමත කර ඇති බැංකුවල ඇපයට තබා ණය ලබා ගැනිමට කටයුතු සලසා දිම

අවශ්‍ය ලේඛන

• ප්‍රාදේශීය ලේකම් වෙත කරනු ලබන ඉල්ලී‍මේ ලිපිය.(මෙයට අදාල බැංකු ශාඛාවේ නම හා ලිපිනය)
• මුල් දීමනා පත්‍රය හා පිටපතක්.
• පත්ඉරු සටහන්

ජනපද ඉඩම්වල සංවර්ධන  ක්‍රියාත්මක කිරිම

අවශ්‍ය ලේඛන

• ව්‍යාපෘති යෝජනාව පළාත් ඉඩම් කොමසාරිස් වෙත ඉදිරිපත් කර පළාත් සභා හෝ උපමානපාදක ව්‍යාපෘතියන් යටතේ අනුමත කරවාගත් පසු එම ප්‍රතිපාදන වලින් ව්‍යාපෘතිය ක්‍රියාත්මක කරවීම.

{slider රජයේ විවිධ ආයතන සදහා දිර් ඝ කාලීන බදු ලෙස ලබා දිම |closed}

අවශ්‍ය ලේඛන

• ඉල්ලීමේ ලිපිය
• පිඹුර
• බදුගෙවන බවට දිව්රුම් ප්‍රකාශ
• පළාත් පාලන එකඟතාවය
• 17,14 පරිශිෂ්ඨ
• සංවිධානයේ ව්‍යාපෘති වාර්තාව
• සංවිධානයේ ව්‍යවස්ථාව

{slider රජයේ ඉඩමක අයිතිය පැවරිම|closed}

ස්වර්ණභූමි, ජයභූමී, රන්බිම දීමනාපත්‍රලාභී ඉඩම් හිමියෙකුට එම ඉඩමේ අයිතිය වෙනත් අයෙකුට පැවරීමේදී ඒ සඳහා පහත සඳහන් සුදුසුකම් තිබිය යුතුය.

• පැවරුම්ලාභීයා දීමනාපත්‍රකරුගේ ලේ ඥාතියෙකු වීමේ හෝ පැවරුම්ලාභියා ඉඩම් නොමැති අඩු ආදායම්ලාභියෙකු විය යුතුය
• ඉඩමෙන් කොටසක් පමණක් පවරණූ ලබන්නේ නම් එම ඉඩම් සඳහා වූ දීමනාපත්‍රය අතුරු‍ බෙදීම් වලට අවසර ඇති දීමනාපත්‍රයක් විය යුතුයි.(එසේ අතුරු බෙදීම්වලට අවසර නොමැති දීමනාපත්‍රයක් නම්,අතුරු බෙදුම් සඳහා අවසර ඇති දීමනාපත්‍රයක් බවට කොන්දේසි වෙනස් කර ගත යුතුය.එසේ වීමට නම් ඉඩමේ ප්‍රමාණය පර්චස් 15ක් හෝ ඊට වැඩි විය යුතුය.)

අවශ්‍ය ලියවිලි

• ඉඩම් අයිතිකරුගේ ඉල්ලීම් ලිපිය.ලිපිය අයිතිකරු විසින් අත්සන් තබා(හෝ එම ස්ථානයේ ඇගිලි සළකුණු තබා) තිබිය යුතුයි.
• පවරනු ලබන ඉඩමේ මුල් පිටපතක් සහ ඡායා පිටපතක්
• සතියක් වැනි කාලයකදී ලබා ගත් පත් ඉරු ( අවසාන පත් ඉරුව දක්වා තිබිය යුතුයි).
• පැවරුම්ලාභීයා ලේ ඥාතියකු නම් පැවරුම්කරුට ඇති ලේ ඥාතීත්වය තහවරු කරන ලියවිලි.(උප්පැන්න,විවහ හා මරණ සහතික වලින් තහවරු ලබා ගත හැකිය)
• පැවරුම්ලාභියාගේ ආදායම පිළිබඳ ග්‍රාම නිලධාරී වාර්තාව.
• පැවරුම්ලාභියා සතුව ඇති වෙනත් ඉඩම් පිළිබඳ ග්‍රාම නිලධාරී වාර්තාව.
• ඉඩමේ පැවරීම සම්බන්ධයෙන් එම උරුමකම් කියන අය විසින් (ස්වාමිපුරුෂයා,බිරිඳ හා දරුවන්) කරනු ලබන දිවුරුම් ප්‍රකාශයන්.
• ඉඩම් පැවරීම නිසා පැවරුම්ලාභියා අසරණ, අනාථභාවයට පත් නොවන හා ඔහුට වෙනත් ඉඩම් ඇති බවට දිවුරුම් ප්‍රකාශයක් හා ඔහු නමින් ඇති වෙනත් ඉඩම්වල සහතික ඔප්පු පිටපත්.
• පවරනු ලබන්නේ ඉඩ‍මෙන් කොටසක් නම් බෙදා වෙන් කළ ඉඩම් කොටසට අදාල මිනින්දෝරු සැලැස්ම ඉදිරිපත් කළ යුතුය.
• සියලුම සහතික වල මුල් පිටපත් ඉදිරිපත් කිරීම අවශ්‍යයි.

රජයේ සංවර්ධන ව්‍යාපෘතිවලට අත්පත් කර ගන්නා පෞද්ගලික ඉඩම් වල හිමිකරුවන් සදහා

1. අදාල වන්දි මුදල් ප්‍රදානය කිරිම

අවශ්‍ය ලිපි ලේඛන

• වන්දි අයදුම්පත්‍රය (වන්දි ඉල්ලීමේ ලිපිය)
• අදාල අත්පත් කරගත් ඉඩමේ ඔප්පුව
• අත්පත් කරගත් ඉඩමට අදාල පිඹුර
• අවුරුදු 10 කට වඩා පළපුරුද්දක් ඇති නීතිඥයෙකුගෙන් ලබා ගත් ඉඩමට අදාල හිමිකම් වාර්තාව
• ඉඩමට අදාලව ආසන්න සති 2 තුළ ලබාගත් පත්ඉරු
• අනන්‍යතාවය තහවුරු කිරිම සදහා ජාතික හැදුනුම්පත

මුදල් අය කිරීම්

• වන්දිය ලබාදිමේදි රු25000/- ට වැඩි ගෙවීම් සදහා රු 25/- ක මුද්ර ගාස්තුව
  

2. අත්පත් කර ගැනිමේ පනතේ 38(අ)වගන්තිය යටතේ ගැසට් පත්‍රය නිකුත් කල දින සිට වන්දි ප්‍රදානය කල දිනය දක්වා කාල සීමාව සදහා වන්දි මුදලට අදාල පොලිය ලබාදීම.

අවශ්‍ය ලිපි ලේඛන

• වන්දි ලබා ගැනිමට අදාල ලිපිලේඛන ඉදිරිපත් කර වන්දි ලබා ගෙන තිබිය යුතුය. පොලිය ලබා ගැනිමට ඉල්ලීම් ලිපියක් ඉදිරිපත් කල යුතුය.

මුදල් අය කිරීම්

• පොලිය ලබාදීමේදි පොලියෙන් 10% ක බද්දක් දේශීය ආදායම් කොමසාරිස් ජනරාල් වෙත ගෙවිය යුතුය.
• පොලිය ලබාදීමේදි රු 25000/- ට වැඩි ගෙවීම් සදහා රු 25/- ක මුද්දර ගාස්තුව

3. ඉඩම් හිමියන් සදහා ලාක් කමිටුව පැවැත්වීම හා දීමනා ලබාදීම

අවශ්‍ය ලිපි ලේඛන

• වන්දි ලබා ගැනිමට ඉදිරිපත් කල යුතු ලේඛන වලට අමතරව ලාක් දීමනාව ලබා ගැනිම සදහා ඉල්ලීම් ලිපියක් ඉදිරිපත් කල යුතුය.

මුදල් අය කිරීම්

•  රු 25000/- ට වැඩි ගෙවීම් සදහා රු 25/- ක මුද්දර ගාස්තු.

සහතික පත්‍ර නිකුත් කිරීම

1.ආදායම් සහතික

2.තක්සේරු වාර් තා

3.වටිනාකම්   සහතික

4.පදිංචිය සනාථ කිරීමේ සහතිකපත්‍ර(නිර් දේශ කිරීම)

5.පදිංචිය හැරයාමේ සහතික පත්‍ර(නිර් දේශ කිරීම)

6.පොලිස් සේවය සඳහා සහතික (නිර් දේශ කිරීම)

7.ජල පහසුකම් ලබාගැනීම සඳහා වූ සහතික

8.විදුලිබල පහසුකම් ලබාගැනීම සඳහා වූ සහතික

අදායම් සහතික නිකුත් කිරිම

1.ග්‍රාම නිලධාරිගේ නිර් දේශය සහිත ඉල්ලීමේ ලිපිය

2.ආදායම් සනාථ කිරීමට අදාල ලේඛන

තක්සේරු වාර් තා නිකුත් කිරිම

1.එම දේපල සදහා තක්සේරු වාර්තාවක් ලබාදෙන ලෙස යම් නිලධාරියෙක් සේවය කරන ආයතනය විසින් කරනු ලබන ඉල්ලීම

2.දේපල අයිතිකරුගේ එකඟතාවය දැක්වෙන ලිපිය

3.නිශ්චල දේපල සම්බන්ධව අදාළ ග්‍රාම නිලධාරි විසින් සපයනු ලබන තක්සේරු වාර් තාව

4.එම දේපල පිළිබඳ ඔප්පුව

5.නීතිඥවරයෙකු හෝ නොතාරිස්වරයෙකු විසින් නිකුත් කරන ඉඩමේ අයිතිය සනාථ කරන හිමිකම් වාර් තාව

6.පිඹුරු පත

7.ඉල්ලුම් කරන දිනට මාසයක් නොඉක්මවූ පත්තිරු

වටිනාකම් සහතික නිකුත් කිරිම

1.වටිනාකම් සහතිකය ඉල්ලීම සම්බන්ධ ඉල්ලුම් පත්‍රය

2.වටිනාකම් සහතිකය ලබා ගැනීමට ඉදිරිපත් කරන අදාල සියලුම ලිපි ලේඛන

3.ග්‍රාම නිලධාරි නිර්දේශය සහිත වාර් තාව

4.වටිනාකම් සහතිකය ඉල්ලුම් කරන දේපල පිළිබඳ ඔප්පුව

5.පිඹුරු පත

6.ඉල්ලුම් කරන දිනට මාසයක් නොඉක්මවූ පත්ඉරු

7.නීතිඥවරයෙකු හෝ නොතාරිස්වරයෙකු විසින් නිකුත් කරන ඉඩමේ අයිතිය සනාථ කරන හිමිකම් වාර්තාව